Gov. Tamayo, ayaw pirmahan ang pinagtibay na ordinansa ng SP para sa open pit mining

Gov. Tamayo, ayaw pirmahan ang pinagtibay na ordinansa ng SP para sa open pit mining

KORONADAL CITY - Tiniyak ni South Cotabato Gov. Reynaldo Jun Tamayo Jr., na hindi nito lalagdaan ang pinagtibay na ordinansa ng Sangguniang Panalalawigan na magbibigay ng pahintulot sa Open Pit Mining sa lalawigan ng South Cotabato.

Ginawa ng gobernador ang katiyakan kasabay ng kanilang pagpupulong ni Marbel Bishop Allan Casicas, Huwebes ng umaga sa loob ng kapitolyo. 

Ayon kay Governor Tamayo, bagama't hindi pa nito natanggap ang kopya ng pinagtibay na ordinansa ng SP, may tatlo syang pagpipilian na maaring gawin sa naturang isyu. 

Una ang paglagda sa ordinansa, pangalawa hindi lumagda at pangatlo ang pag veto. 

Sa tatlo aniyang pagpipilian, ngayon pa lamang ay tiniyak nito na hindi sya lalagda sa ordinansa. 

Sa ngayon, agad na bumuo ang gobernodor ng Technical Working Group (TWG) upang magsagwa ng pag-aaral sa isyu at magsumite ng rekomendasyon para pagbabatayan ng kanyang desisyon. 

Nabatid na sumugod kaninang umaga sa harap ng kapitolyo ang ilang residente at mga anti-mining groups upang ipanawagan kay Governor Tamayo na i-veto ang naging desisyon ng SP na amyendahan ang ordinansa ng Environment Code ng South Cotabato partikular ang pag-lift ng Open Pit Mining Ban sa lalawigan. 

Magugunitang unanimous ang naging desisyon ng SP mula sa 10 miyembro na dumalo sa kanilang isinagawang session noong Mayo 16, 2022. 

Kabilang sa bumoto pabor sa Open Pit mining sa South Cotabato ay sina:

1. Board Member Larry De Pedro VI

2. Board Member Dardanilo Dar

3. IP Representative Edgar Sambog

4. Board Member Noel Escobillo

5. Board Member Antonio Fungan

6. Board Member Alaisa Marie Fale

7. Board Member Eamon Mati

8. Board Member Henry Ladot  

9. Board Member Rolando Malabuyoc

10. Board Member Rose Grace Achura 

Mula nang bomoto pabor sa Open Pit Mining ang 10 mambabatas, umani ito nang batikos mula sa mga mamamayan ng South Cotabato, mula sa iba't ibang sektor ng lipunan lalo na sa sektor ng simbahan Katolika.

Source : TopGun Radio 106. 5 Koronadal City

Higit 1000 Anti-mining advocates sumama sa “solidarity walk” upang ipanawagan na e-veto ng gobernador ang pag-lift sa ban sa open pit mining

KORONADAL CITY – Nasa higit isang libong mga anti-mining advocates ang nag-martsa mula sa Christ the King Cathedral hanggang sa harap ng kapitolyo ng South Cotabato upang ipanawagan kay Governor Reynaldo Tamayo Jr. na e-veto ang ordinansa na nag-lift na sa ban sa open pit mining sa probinsiya.

Ayon kay Most Rev.Cerilo Casicas, DD, Obispo ng Diocese of Marbel, ang nasabing aktibidad ay pagpapakita ng pagkadismaya sa mga kasapi ng Sangguniang Panlalawigan matapos na inaprubahan “unanimously” ang pag-lift sa ban sa open pit mining sa probinsiya.

Hindi lamang ang ibat-ibang parokya ng Diocese of Marbel ang sumama sa solidarity walk kundi maging ang ibat-ibang sector at religious organization kabilang na ang mga kabataan, at mga mamamayan sa South Cotabato na hindi sang-ayon sa ginawa ng sampung mga kasapi ng SP.

Habang nagsasagawa ng programa sa labas ng kapitolyo ay nakipag-dayalogo naman ang Obispo at mga kasamahan nito sa gobernador ng probinsiya.

Lumabas din ang gobernador at humarap sa mga nag-martsa at ipinangakong pag-iisipan nito ng maigi ang kanyang desisyon.

Ipinangako din nito na bubuo umano ng isang Technical Working Group (TWG) na siyang mag-e-evaluate muna sa isusumiteng ordinansa ng Sangguniang Panlalawigan kung nasunod ang proseso ng ammendment ng Environment Code ng South Cotabato.

Napag-alaman na wala pa sa opisina ng gobernador ang mga dokumento ng ordinansa mula sa SP dahil binawi umano at may aayusin pa.

Sa ngayon, umaasa ang mga taga South Cotabato na mananatili ang ban sa open pit at hindi matuloy ang operasyon ng Copper Gold project ng Sagittarius Mines Incorporated sa bayan ng Tampakan.

Source: Bombo Radyo Koronadal

BISHOP CERILO U.CASICAS D.D OF THE DIOCESE OF MARBEL TACKLES ABOUT ON THE OPPOSING OF OPEN PIT MINING AT THE LEGISLATIVE BUILDING OF SOUTH COTABATO IN THE CITY OF KORONADAL

Please Click the link:

HIS EXCELLENCY BISHOP CERILO CASICAS TACKLES ABOUT ON OPEN PIT MINING AT THE LEGISLATIVE BUILDING OF SOUTH COTABATO IN KORONADAL CITY

Source: Radyo Rapido 92.7 FM-Koronadal City